“Их Хорго” Жуулчны Баазад тавтай морилно уу. Манай бааз нь Монгол орны байгалийн үзэсгэлэнт газрын нэг болох Тэрхийн Цагаан Нуурын зүүн хойд эрэгт байрладаг.
Нэг ээлжиндээ 120 хүртлэх хүн хүлээн авах 30 монгол гэр, Европ болон Монгол үндэсний хоолоор үйлчлэх 120 хүний суудалтай ресторан, 60 хүний суудал бүхий паб, орчин үеийн тоноглолтой халуун усны 8 өрөө, нийтийн ариун цэврийн боловсон 10 өрөө бүхий өөрийн цогцолбороор Танд үйлчлэхэд бэлэн байна. Манай бааз нь төвийн эрчим хүчний найдвартай эх үүсвэртэйн зэрэгцээ 24 цагийн харуул хамгаалалттай.
Их Хорго Жуулчны Бааз нь амрагчиддаа Хорго галт уул, Тэрхийн Цагаан Нуур болон ойр орчмын байгалийн үзэсгэлэнт газруудаар аялах санал болгож байна. Амарч байгаа цаг хугацаанаасаа хамааран Та аяллын дараах төрлүүдийг сонгон үйлчлүүлэх боломжтой.
Үүнд:
- Морин аялал, Сарлагийн аялал, Үхэр тэргээр аялах, Явган аялал, Завины аялал, Загасчилах аялал, Жимс, самар түүх аялал, Нүүдэлчин айлд зочлон Монгол үндэсний зан заншилтай танилцах аялал...
- Хорго-Тэрхийн Цагаан Нуурын байгалийн цогцолбор газар болон түүний ойр орчимд Та байгалийн үзэсгэлэнт дараах газруудаар аялах боломжтой. Хоргын тогоо, Тэрхийн Цагаан Нуур, Чандмань толгой, Өвгөн хад, Шар нохойн там, Мөсөн Хонгил, Чойдогийн Боргио, Залуусын агуй, Зуун салаа мод, Чулуутын хавцал, Долоон чулуун гэр, Ноёнхангайн халуун рашаан..
